藝人張致恒（Steven）上月自爆為子報讀幼稚園遭歧視，圈外老婆雯雯同佢槍口一致對外，本身以為佢哋經歷過咁多事之後會情比金堅，點知尋日（17日）雯雯忽然發文，內容令人費解：「每一段關係嘅結束，都係為咗有更好嘅將來。每一個選擇，都係考慮得好清楚之後嘅路點樣係最好。沒有仇恨沒有怨恨，對日後會更好。」即令人聯想到夫妻關係係咪出事？
翻查雯雯社交網，佢喺一周前都有發文祝老公Steven生日快樂，不過近日佢就多次晒出獨自湊仔嘅相同片，並留下「自己愈嚟愈冇存在感」、「唔知道自己嘅存在價值喺邊」等字句，又透露屋企發生突發事，似乎對生活現狀感不滿。
曾借錢給Steven的林盛斌，就對方傳離婚一事，他表示不知情，雙方已沒有聯絡一段時間； 至於Naomi則表示，Steven的電話號碼已改，亦不知對方近況。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
