台灣天王王力宏與前妻李靚蕾嘅「蕾神力王大戰」，剝盡一地花生，王力宏於18號已急返台搵李靚蕾拆彈，並於大S前夫汪小菲嘅S Hotel進行強制7天隔離，之後可自家7天居家檢疫。
雖然其所屬嘅宏聲音樂表示王力宏會按照標準程序完成14天隔離規定，但有傳只係調虎離山之計，有消息指酒店方面透露王力宏前日（24號）已完成採檢，代表住佢選擇「住在旅館7天、返家隔離7天和7天自主管理」方案，而此方案必需於今日（26號）上午11點前離開檢疫酒店。唔少台灣傳媒已於S Hotel門外守候，如果王力宏真係選擇返家隔離，估計唔太可能回到李靚蕾與3個仔女現時所住嘅「吾疆」豪宅，可能會返位於忠孝東路上嘅「國庭」豪宅。
台灣消息指，今早共有3部防疫專車進入檢疫酒店停車場，但仍未見王力宏蹤影。至於傳出王力宏11點前出關，酒店職員表示：「今日退房已經結束，有退房的人都已離開。」對於有指王力宏可能返回「國庭」豪宅，經理公司已否認傳聞。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
