王力宏出聲明被兩岸網民狂笑 有精神科醫生留言願幫助
龜縮兩日出文幫自己辨護兼力插前妻貪得無厭的王力宏，在微博及FB都有上載聲明，兩岸網民的反應難得一致，全插加瘋狂恥笑，兩邊都相當熱鬧，識睇當然睇留言。
宏宏在微博上載文章4個鐘已有50萬留言，而FB就有兩個數，點解?因為宏宏上載咗兩次，分別係錯字版同校對版，前者有5萬5留言，後者就有1萬4，兩邊網民留言都好高質，程度係會笑出聲，啲網民真無性，人哋宏宏已經幾肯定難以翻生，你哋仲笑人?
王力宏首回應李靚蕾指控的帖文在微博上載4個鐘獲得逾50萬留言。呢個係FB校對版，有1萬4留言。呢個係FB錯字版，留言5萬5。
貼堂之最有出自FB的「離婚不要贍養費？？是要你的CD嗎?」而微博的成都市精神內科副主任嘅留言就非常溫暖，「你好，我是精神健康研究中心的主治醫師。我院領導看到您的微博後高度重視你的情况，特派我來幫助你擺脫病魔的困擾，相信醫生，配合工作，精神病是可防可控可治的、我們一定會陪你走出陰影，過上正常人的生活。」呢個真係好好笑。好中肯的內地網民。呢個駁唔到。醫師都睇唔過眼。問得好。好關心徐若瑄的網民。
仲有好多網民上載王力宏同前妻的溫馨合照問佢，「你當時恐懼嗎？」好Mean又好好笑。宏宏驚驚但宏宏不說。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
