頭條獨家丨俄仔Ansheles心繫烏克蘭親友 幾經困難終得知眾人暫安全
俄羅斯總統普京昨日（24日）宣佈對烏克蘭採取「特別軍事行動」，多次向當地發動攻擊，令不少士兵及平民傷亡。在港發展的「俄仔」 Ansheles因此也受到牽連，不斷受到網民私訊詛咒，他昨日在IG限時動態以黑底白字留言：「我嘅小家族入面有一半係住喺烏克蘭，睇到今日發生嘅事好難會唔擔心難過。嘅（既）要活喺現實世界嘅衝突當中，又要為非我控制嘅事而面對網絡欺凌，實在讓人覺得無處可逃。」
有指Ansheles早前已返回俄羅斯，目前正身在家鄉，《頭條娛樂》今日聯絡上Ansheles，他未有透露身在何處，只說：「噚日發生件事，我即刻聯絡佢哋，嗰邊係我老豆嘅家人，雖然我同老豆冇聯絡10幾年，但我同佢嘅家人關係都好好，因為老豆係烏克蘭人，細個時會去嗰度住吓，過幾個月咁。佢哋聽到不停巨響，立即就走去地下嘅地方，嗰度安全啲。雖然聯絡上有困難，但都聯絡得好快，我都有留意新聞，可以留意住佢哋嘅安全。」Ansheles又透露家人已有幾晚沒睡覺，因為不時有不同聲響，令他們很緊張及失眠，而其中一件事最令他擔心，是他Cousin之前曾從事軍方工作，因此對方的安全最令他掛心。
Ansheles貼文後獲不少網民留言支持及祝福佢：「俄仔，根本打仗呢件事唔關你事，係普京、政府既錯，我唔會怪你，愛你俄仔，祝好人一生平安、「不用理會嗰啲無理取鬧嘅人 祝福你嘅屋企人平安。」及「又唔係你發動戰爭 , 都唔知關你咩事 , 唔使理班白痴 , 希望當地同附近嘅人都無事啦。」等。現年27歲的他曾主持ViuTV節目《返歸啦俄仔》，還有主持兒童節目《快樂童盟》。
更多第5波疫情資訊，請到以下專頁瀏覽按此
立即下載 | 全新《星島頭條》APP :https://bit.ly/3yLrgYZ
|
鍾意就快D Share啦！
|
|
|