疫情入侵娛樂圈，連日嚟都有唔少香港藝人公布確診消息，唱作歌手符家浚尋晚（22日）就表示自己已確診，並晒出兩個顯示確診嘅檢測包。本身佢由17號開始已經出現病微，惟先後做足2次強檢及1次快速檢測包均表示冇確診，一直去到尋日先確診，依家佢正居家隔離，身體亦已經完全冇問題，繼續食藥、飲水、瞓覺及補充維他命。
符家浚回覆東網稱：「其實我都唔知依家係發病，還是未開始發病，因為有病徵時候做快速測試呈陰性，到冇病徵嘅時候就變陽性，好搞笑。」他說病徵初時喉嚨少少不適，夜晚就開始發高燒、全身冇力及發冷，第二日退燒就開始喉嚨痛，有濃痰和咳，持續兩日，現在病徵減退，仲有少少鼻塞，但不知是否同天氣凍有關。問到會否擔心喉嚨痛影響聲線？他表示：「初時病發把聲有少少影響，但已經好番，唔擔心。其實我好少出街，工作都係點對點，唔會周圍去，唔出街都中？好奇怪。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|