邵氏劇集《飛虎3壯志英雄》扮演恐怖分子的何慈茵開槍、近身格鬥、飛車樣樣精通，被網民封她為「全能公主」，當中Bra Top、貼身露腰裝造型，晒出人魚線，網民大讚性感。她受訪笑說：「劇組想我打得嚟有型之餘，又散發到多少少女人味，所以造型設計Sexy啲。我都真係近乎每套衫都露腰，所以都有刻意做多啲運動同食得清啲，希望拍攝時見到人魚線同腹肌。」
在節目《不可能任務》打到飛起的何慈茵現年31歲，是中英混血星二代，爸爸何麥師承劉家良，她5歲開始學洪拳，為劉家良徒孫，《飛虎3》是她第一部劇集：「最初係副導演同武術指導搵我試戲嘅，佢哋想搵個似外國人又打得嘅女仔，好榮幸可以參與到咁多打鬥場面，我自己最初睇劇本都好驚喜，比我想像多戲份。」
她又指劇中動作場面精彩是整個團隊合作，大家所見的一、兩秒鏡頭，可能已花了大半日拍攝，她說：「我係第一次拍飛車，覺得好興奮，一直都好想拍！其實好多畫面都係綠布景CG畫面嚟，當然比較危險同難度動作，都有替身去幫手。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|