家有前港姐冠軍嬌妻陳茵媺同3名子女嘅陳豪，因一直要開工，故喺疫情下罩不離口，即使喺屋企都照戴兩個口罩，連瞓覺都一樣戴住！不過呢兩日疫情漸漸緩和，唔知係 ...
家有前港姐冠軍嬌妻陳茵媺同3名子女嘅陳豪，因一直要開工，故喺疫情下罩不離口，即使喺屋企都照戴兩個口罩，連瞓覺都一樣戴住！不過呢兩日疫情漸漸緩和，唔知係咪因為咁，「防疫達人」陳豪都放下戒備，呢日佢就同老婆孖住出巡去買餸，仲一買就買足兩個鐘，仔女都唔湊，專心拍拖。見陳茵媺同陳豪沿山路行去超市，去到近山腰時，扮到靚靚嘅陳茵媺就忍唔住叫老公揸機，佢自己就趁機除罩露出靚樣留倩影，不過佢哋一上到車都戴番好個口罩，係飲珍珠奶茶同食嘢時先再次拉低口罩啫。
