直播中，Edan為sell好兄弟新歌，提議Jeremy改名做half，之後又開始將自己嘅歌曲改成英文名，例如將《一表人才》改成one cousin man talent，搞到連tiger都忍唔住問Edan邊間大學畢業。提到新歌《半》，Jeremy透露準備了4個多月時間，所以十分緊張。Edan表示原來歌曲原先係叫《i can't breathe》，但他認為太不相關，故提議改名，最後由魯生出手改成《半》。
Edan與Tiger表示由於疫情關係，有份參與的劇集均受到影響。Edan表示自從拍攝《季前賽》後，有感3分射球進步不少，不過當問到Ian(陳卓賢)同姜濤球是否球技了得了，Edan先係冷笑，並轉身望向身後的花姐背景：「呢個問題嚟講呢，大家都好波，我費事亂講嘢，總之大家都好波。」Edan更透露本身二月時會推出新歌，但由於疫情關係未能拍攝MV，所以只能延遲，他希望三月尾可以推出。在家抗疫期間，Edan除咗打機，亦有追看韓劇《少年法庭》以及實境節目《單身即地獄》。Edan表示或者係因為太鍾意工作，所以有感自己最近十分頹，每日中午起身後又再午睡。
整個直播最令鏡粉興奮應該係Edan提到早前與成員為演唱會開會，他表示第一次透過zoom與成員見面，感覺十分搞笑。 「我哋傾一傾演唱會，大家有咩想做，都係好初步。好似好快，咁又一年，上年6場諗返好近，原來都就快一年。」
Edan又提到早前被花姐公開追他交功課一事。「要我每日都篇報紙佢聽，訓練我咬字，佢本身每日凌晨一點截止，我遲咗。」Edan又指由於每篇文章要讀近兩分鐘，以為花姐會收完功課就算，但對方竟然逐句聽完再作出糾正。「我有啲受寵若驚，不過係好sweet，佢認真去對待呢件事。」而成篇文章內容如下，大家可以試下又讀唔讀得掂？
//喺呢條黃巷嘅巷口度有一隻狗，
佢個名叫做黃汗寒狼。
大家或者會覺得好奇怪，
點解呢一隻狗會有一個咁得意嘅名呢？
講起上嚟，其實係有段古嘅。
話說係東方有一個叫做黃汗寒狼牛牙雅夏蝦嘅國家，
呢個國家嘅人都好鍾意養狗嘅，
佢地養大嘅狗仲好靚同埋好強壯，
但係佢地飼養狗嘅飼料同一般嘅都好唔同。
原來佢地係用黃汗寒狼焊汗糠嚟到養嘅，
養大嘅狗仲吸引左各國各地嘅人嚟購買添！
其中以壓乞黑國、很肯國、
特突國、能單騰國、華滑挖國、
心足縮學咢確國、等登燈等國嘅人最多。
而頭先我地所講嘅黃汗寒狼，
呢種咁昂貴嘅狗，
就係呢個國家所出產架啦。//
本文作轉載及備份之用 來源 source: http://www.hk01.com
|
鍾意就快D Share啦！
|
|
|
