敖嘉年與梁嘉琪主持的香港開電視首個處境喜劇節目 《嘉嘉醫療自助班》首集主題是胃病，嘉賓張紋嘉（Crystal）分享長期受胃病困擾，最嚴重試過胃痛到發燒及胃抽筋，更要入院治理。前HotCha成員Crystal自言因壓力所致長期胃痛：「我估係工作壓力大，經常食無定時，甚至係無食，細個嘅時候就因為考試及趕交功課而胃痛。」
由於長期受胃痛煎熬Crystal決定從飲食着手，她說：「會多吃秋葵同木耳，加強胃壁，個胃會冇咁易唔舒服，而喺蔬菜選擇上，會揀啲較幼嫩嘅菜，因為太老嘅菜會令個胃較難消化，而我亦會間中食粥清腸胃。」除了飲食之外，她更會透過瑜伽的伸展動作來紓緩胃痛。
多年沒有做主持的敖嘉年笑言要跟梁嘉琪學習，身旁的嘉琪聞言即哭笑不得，嘉琪則指節目可以令她過戲癮：「有一集我哋會喺處境劇中客串，其實我都好多年冇演戲，終於可以得償所願。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|