逐流時代丨陳雅麗一take過咀掂又南零尷尬
由戚其義監製及執導，陳雅麗（Allie）、麥明詩、黃又南、黃德斌、麥子樂等主演的「亞洲心動娛樂」網劇《逐流時代》正播得如火如荼，其中飾演律師的陳雅麗，跟黃又南在戲中扮演鬥氣冤家。
雖然二人首次合作，但火花十足，為劇集增添不少喜感，而這對鬥氣冤家更上演咀戲，猶記得陳雅麗曾笑指跟黃又南拍咀戲，被對方鬍鬚拮傷，她說：「呢場咀戲係難忘嘅，基本上一take過完成，唔覺得尷尬，所以難忘唔係過程，而係原本劇本寫得好浪漫，但最後戚其義根據我哋嘅角色，顛覆咗成件事，令到呢場咀戲變得好搞笑。」
被王菲追殺完變朋友
除了咀戲之外，陳雅麗直言今次拍攝有不少難忘場口，當中不乏被追殺及抑鬱喊戲，而早前播出被王菲的追殺戲，二人未有用替身上陣，期間陳雅麗更親自拍攝動作場面，表現專業，她說：「雖然自己演動作戲唔叻，但總覺得自己做係會好啲，呢場戲拍咗四個鐘頭，我同王菲都有互相傾點拍，點樣追逐得逼真，最終我哋『追殺』完之後，仲建立咗信任，成為咗朋友。」
演抑鬱爆喊戲極具挑戰
入行8年、香港出生的陳雅麗，過往一直在內地發展，今趟首次拍攝香港劇集，坦言感覺非常幸福，她說：「今次角色好多面性，好似由最初做孤獨精，之後又南出現，我個性變得溫柔，到之後有抑鬱症，作為演員可以遇到呢個角色，好幸福，可以畀到觀眾睇到自己咁多元化嘅演繹。」此外，在劇情後段，陳雅麗將有一場爆喊戲，她形容這場戲極具挑戰性，皆因她要邊喊邊講對白及行樓梯，而且對白冗長，相信觀眾拭目以待。
更多第5波疫情資訊，請到以下專頁瀏覽按此
立即下載 | 全新《星島頭條》APP: https://bit.ly/3yLrgYZ
|
鍾意就快D Share啦！
|
|
|