劉沛蘅（Hillary）今日（21日）現身銅鑼灣出席NFT活動，與洪卓立（Ken）公開戀情後首次出席公開活動的她瞬間成為傳媒焦點。Hillary接受訪問時大方回應戀情，露出燦爛笑容讚男友滿分，並說欣賞對方的細心：「我講過嘅說話佢記得，好多嘢唔使講都知道我想點，我覺得好窩心，有一個人喺身邊可能唔使講咁多，都已經明白。」
劉沛蘅Hillary最近經常在社交平台放閃，她說不是刻意：「嗰啲地方一齊去，反正大家都知道，合照都唔怕公開。」公開戀情後，他們拍拖時亦沒有太多顧忌，加上戲院、食肆重開，她希望可以與男友睇戲和吃飯。Hillary亦透露阿Ken已見過爸爸媽媽：「屋企人覺得佢斯文、高，好有禮貌，都滿意嘅。」
被問到會否想與阿Ken以情侶檔開工，劉沛蘅表示希望有機會：「除咗拍過佢個MV，都冇合作過其他工作，希望嚟緊有機會。（《膠戰》開第三季邀請佢做嘉賓？）我唔知，唔係我話事，可能要問下（導演）Albert，但Albert可能唔請佢，前題係希望第三季開得成。」將來假如拍攝親密場口，Hillary說會先知會阿Ken：「尊重返佢，但大家做呢行都明。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|