藝人劉沛蘅（Hillary）和蘇麗珊今日（21日）現身銅鑼灣出席活動，與歌手洪卓立公開認愛的Hillary，被問到如何分配時間？她表示一切以工作為先，她説：「可以同佢一齊做嘢嘛。（唔介意情侶檔？）OK呀，有Job就得㗎喇。（公開咗冇咁大壓力？）都係嘅，本身諗住穩定咗就搵機會公開，順其自然影到嘅會講囉。（一齊住都唔夠穩定？）我哋唔係一齊住，各有屋企嘅。」
她又透露男友已「見家長」，父母對他亦有讚冇彈：「佢哋第一個反應係話喺電視睇都唔覺佢咁高，鍾意佢斯文有禮貌。（鍾意佢邊方面？）夠細心囉，我自己一向好鍾意食啲垃圾食物，佢會覺得好唔健康，希望我注意好身體，佢會跟食譜煮啲健康食物畀我食。」她甜笑指男友煮得好食，多數都是男友負責煮給她食，但暫時未試過一齊煮飯仔，自己則比較拿手整甜品。問到何時開拍《膠戰3》，她指暫時未有消息，當然希望能開拍。
本文作轉載及備份之用 來源 source: http://hk.on.cc
|
鍾意就快D Share啦！
|
|
|