因為疫情關係，最鍾意外遊嘅香港人，已經好耐冇搭飛機去陽光與海灘嘅度假勝地充電，而有「翻版謝安琪」之稱嘅歌手龔柯允（Karen）就知道網民恨睇靚沙灘、靚酒店，所以喺社交網狂甫早前返家鄉馬來西亞嘅度假相，一於畀大家望梅止渴，睇咗當去咗。
Karen去咗當年拍攝電影《夏日麼麼茶》附近嘅Perhentian玩咗幾日，佢話：「雖然沒有去過熱浪島，但聽聞這個島更美，因為比較人少，所以沒有汚染，，這裏的海水實在太清澈，一睡醒開窗就看到美景，好像還在發夢啊。」見佢啲沙灘相，啲海水真係好清、好靚，不過佢竟然冇甫落水相，而走咗去酒店嘅泳池影泳裝。
已為人妻嘅佢，身材都算keep得好好，唯一美中不足係只上載咗「影後」相，而唔係人人想睇嘅正面相。佢仲話此行乘機拍埋新歌MV，個男主角仲係「馬來西亞彭于晏」，不過個男仔又係得背面，又係睇唔到樣，其實Karen真係好鍾意玩後面喎。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
