歌手鄭欣宜在頒獎禮中喜獲CHILLCLUB年度女歌手金獎，她坦言屬意料之外，因覺得CHILLCLUB感覺新潮又年輕，但自己既是中女又有點「娘」。
欣宜將於6月11及12在紅館開演唱會，見她身形瘦了不少，她坦言刻意為個唱減肥：「因為我第一次開演唱會好黑仔，跌斷腳，冇得操練同做運動，開騷前得一個月時間鍛煉，其實唔關肥瘦事，而係體力問題，所以今次我好注意飲食，同埋做大量運動，包括打泰拳、請私人健身教練又學跳舞，我唔想再畀身體或者任何事阻礙我，我要發揮得最好，我要炸爆舞台，跳到甩肺！」對於有指她為新戀情而減磅，她否認：「唔會！我只會為着靚衫而減肥。（係咪同舊愛Derek翻撻？）我會用音樂分享秘密，如果大家想知就要嚟睇我嘅騷。（男友會唔會嚟睇騷？）大家留意喇！（咁男友係咪花店老闆？）我超鍾意花！」似乎默認戀情。被指愛情事業兩得意，她透露現時最緊張演唱會，希望一切皆順利。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
