「玉女掌門人」周慧敏（Vivian）今年踏入54歲靚樣依舊，望落比真實年齡年輕20年。Vivian向來親民影相簽名都唔會托手踭，其實私底下仲會一直同粉絲Keep住交流！
Vivian昨日（7日）在社交網溫馨提示世界各地歌迷：「Hello ，大家好。又是回信的時間了，謝謝大家久等，希望在一個月內全部寄出。這次回信後，希望可以休息一下暫停處理信件的事情！如果大家要再寫信給我，約好在10月後！」
周慧敏多年不變遵守同歌迷的約定，真係要唱番隻《奇洛李維斯回信》，抵Vivian紅足咁多年！馬浚偉過往在訪問中，會不時分享自己細個都係一個Vivian小歌迷，曾經仲出席歌迷聚會，成為少數的兩個男粉絲之一。他成名後都會真金白銀買偶像演唱會飛舉牌坐頭行撐場！馬浚偉可以話係Vivian最幸運嘅粉絲，每當開大型小型演唱會、舞台劇播和節目都會得到偶像全力支持，事實證明做嘢真係會有人睇到你嘅努力，偶像歌迷是相輔相成的！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
