落選港姐Gogo張韋怡，自從與富二代男友結婚後，生活幸福美滿。不過喺今日（13日）嘅凌晨，佢就突然喺社交網發長文兼開直播，大爆7歲仔仔喺學校被欺凌，佢話：「學校告知我個仔畀同學踢心口跌倒，當時佢着住體育服，鎖骨對下仲有個鞋印。事緣係有人先踢另一同學，阿仔上前勸阻，無出手亦無反擊，踢人嘅同學隨即踢我個仔心口，令佢跌低，作為媽媽真係好心痛。」之後呀仔仲同佢講，踢人嗰位同學每個小息都會揀2個小朋友嚟蝦，令Gogo聽到好心痛。
而最令Gogo不能接受係學校嘅處理手法，佢話：「我問老師點處理打人嘅同學，點知佢竟然冤枉我個仔，話係呀仔出手先，叫佢吾好再講大話，如果唔係以後都唔可以返學！」而校長曾承認該名同學會因受刺激，控制唔到自己，攻擊其他同學。
之後Gogo仲激動到喊，話自己係過來人，曾被欺凌過，佢好嬲咁話：「我哋將個仔安全交俾學校，點可以容忍佢得到咁樣嘅對待，佢得7歲咋，我個仔同正常小朋友一樣，唔會想做「暴力傾向同學」嘅沙包。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|