藝人蔡卓妍（阿Sa）早前接受內地節目《她的雙重奏》訪問，佢喺節目中難得多次爆料，繼上次佢自爆爸爸當年走去當金鏈換錢畀佢去電髮，今次佢就自爆曾被好友呃佢有急事借錢，畀佢發現之後，佢就嬲到即刻去Block對方，連錢都唔要：「有一個很好的朋友，他問我借錢就說了一句他最近有點困難，然後Ok就不用說了，我二話不說我就去銀行，我就給他打款，後來我發現原來他在說謊，我就把他拉黑了，但是你已經知道這個人不會還你錢的了，我就直接把他刪掉了，我連錢都不要了，太生氣了。」
阿Sa此話一出，即刻令人聯想到喺2019年，佢怒刪曾被封「新一代世紀賤男」嘅張致恒（Steven）社交網關注，阿Sa公開割席，至今都未有Follow番對方。唔少網友睇完片，就即刻湧入Steven社交網狙擊，紛紛留言催促佢還錢畀阿Sa「仲唔還錢畀阿Sa」、「點解你要呃阿Sa啲錢」、「聽講你問阿Sa借錢唔還」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
