林盛斌做人生導師教同行面對負評 身為藝人被鬧都係任務之一
不少圈中人都明白做得藝人，被批評、被討論是必經的過程，正所謂「人紅是非多」，有時冇人討論對藝人來說未必是一件好事。不過面對批評，身為藝人多多少少都會有唔開心，一向性格樂觀的林盛斌（Bob）昨日（10日）於IG分享與一位幕前朋友的對話，袋錢入對方袋。
林盛斌分享與一位圈中友人的對話。
原來呢位圈中友人不時都被網民到他的社交網留言抨擊，Bob分享說：「有啲人會寫一啲唔係咁好嘅負面嘢，佢話有時睇到都會好唔開心。」Bob就認真對他說：「我哋做娛樂圈嘅，目的就係要娛樂大家，佢喺你個社交平台留言，插吓你，鬧吓你，然後佢身心舒泰咗喎，自我感覺良好咗喎，咁我哋都算完成咗我哋喺呢行要做嘅任務吖！」同埋Bob深明「Haters gonna hate」的道理，認為盡力做好自己已經足夠，更向對方加油。呢位朋友仔聽完開心返，Bob都覺得自己好似人生導師咁，開解到朋友。
林盛斌做人生導師教同行面對批評。
好友陳山聰亦有留言表示：「你係人生導師就梗㗎啦，冇錯絕對認同以上嘅對話，加油兄弟，期待你會開班，令更加多嘅人思想同心靈上獲得正能量。」Bob即謙虛回覆：「未有資格，小弟仍在努力中。」
陳山聰都叫林盛斌開班。
陳山聰好認同林盛斌講嘅說話。
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
