藝人沈震軒最近內地工作後回港，早前悶悶哋佢就晒過家中過千尺超豪華健身室，唔知係咪放假冇咩嘢做，尋日（9日）佢就決定晒出過百萬嘅「寶貝」，自揭係一位模型迷。見佢晒出嘅片中，見到多個飾櫃都擺滿大大小小嘅模型，當中最震撼就係佢其中一個擺有至少有超過200隻Marvel和DC系列角色模型嘅巨型飾櫃，有網友就睇得出佢每個Collection都價值不菲，夾夾埋埋都至少花費接近過百萬，仲未計佢特別打造嘅模型櫃價錢，真係睇到男士們都流晒口水！
佢又自爆去內地工作期間，啲模型都係交由索女友陳欣妍（Shirley）看管，見到佢偷拍Shirley「照顧」啲模型時，竟然拎起兩隻模型互相打架，真係睇到沈震軒個心離一離：「每個男人都有一個英雄夢，每次欣賞佢哋嘅時候，都不禁令我回想起電影中畫面，我平時都唔捨得拎出嚟玩，打掃時候都會小心輕放，幸好我唔喺香港嘅時候有人幫我照顧佢哋。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
