「人氣王」姜濤今次堅首度擔任張敬軒紅館騷嘉賓！早前網上有人出Post訛稱男團MIRROR的人氣王成員姜濤，將於5月14日首度擔任《張敬軒THE NEXT 20演唱會》作賣點圖炒黃牛飛，而軒仔、姜濤及英皇即時作出否認，以免有歌迷被騙。
今晚（21日）軒仔第10場 （21號晚）紅館演唱會，請得之前傳飛抵美國作「特別任務」的姜濤任這場演唱會的壓軸嘉賓，今晚的觀眾真是有福了。而姜濤未踏上軒仔的舞台前，和組合ERROR隊員肥仔（梁業）曾出現在Panel位，之後又轉坐嘉賓席，姜濤媽則和友人坐定定看騷捧兒子及軒仔場，期間有不少「姜糖」見「奶奶」現身就把握機會要求影合照。其他捧場嘉賓，還有蘇永康、許文軒、洪永城、演員Locker（林家熙）及Kayan9896（吳家忻）等。
談到兩人世紀合唱的歌曲《斷點》，軒仔笑言：「推出嘅時候，姜濤未出世。」最終身穿黑色西裝現身，全場叫聲震撼紅館，軒仔說：「大家認識咗4年幾，你怕醜未變過。」姜濤就說：「之前有黃牛飛，當時都未決定做嘉賓，不如將錯就錯嘞。」軒仔又說：「知你喺香港，即刻請你嚟。你好可愛，好多人鍾意你。見到今晚咁嘅聲勢，個人演唱會都冇問題。」 過往每晚都有表演嘉賓送禮物，而姜濤就送了最愛的漢堡包給軒仔醫肚，姜濤用手餵薯條，軒公得戚話：「呢啲福利係我有咋。」更晒命指姜濤為今晚表演，重新去排舞。
姜濤又獨唱了《Master Class》，當姜濤落台後，軒仔有感而發說：「見到佢哋，不得不承認自己係前輩，都心痛佢哋嘅工作，祝願MIRROR所有成員星途更加燦爛。」而姜濤媽媽在演唱會encore前先行離開。
另外，MIRROR另一位成員Frankie剛宣布與Dancer女友Hei分手，但Hei她今晚忍着傷痛繼續為演唱會演出，在《笑忘書》一曲中與其他舞蹈員繼續爆喊演出，態度專業。演唱會最終兩次Encore預計會被罰錢。軒公在台上竟然執到Bra帶，相信是女Dancer留下的，他表示：「我落去還畀佢哋，點會貪呢啲嘢。」而現場粉絲起哄大叫並不願離開，軒仔再出場獻唱了一曲《雪花抄》，全場興奮大合唱。軒仔提醒山頂位企起身要小心，唱完後場雖然熄燈，但觀眾仍不願離場，並提醒他明天放假要求他再唱，軒仔再唱了一曲《老了十歲》作終結，前後encore了4次。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
