藝人郭晉安（安仔）與陳煒今日為劇集《回歸》進行拍攝，2人透露還有幾日便煞科，由於劇集有一半戲份屬年青人，故拍攝不算辛苦。
安仔表示拍畢後便可以認真休息，而子女就讀國際學校，6月便開始放暑假，他說：「嚟緊6至8月佢哋好開心，因為人哋返學，佢哋已經放假，有好多地方可以去。我最近同佢哋行山，行咗2個幾鐘，佢哋好鍾意，但就行到佢哋死死吓，我就連條命都冇。（太太有冇一齊去？）冇，佢讀緊營養學碩士，9月就畢業。希望可以同佢去到畢業旅行，去澳門都好，如果澳門係第一個地方通關，我諗有一半人都去咗。」他指原有美國登台工作，但當時因隔離時間太久而推卻：「不過依家又變咗返港只要隔離7日，但我都推咗，唔會再接番。（損失好多？）大家都損失好多，我尤其係內地同美加巿場。」
至於陳煒表示完成該劇後，將要為電影開工，以及忙為新居裝修，問到是否因結婚而裝修？她說：「買咗樓就要裝修，婚期暫時未有任何計劃。（爸爸身後事處理成點？）差唔多。（你心情平復未？）我OK，有心。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
