台灣「資深狗仔」葛斯齊連日爆料台灣女星徐熙媛（大S）前夫汪小菲當年婚內出軌多人，又晒相又開Live咁，成功引起大眾對汪小菲私生活嘅八卦之心，今日（1日）更有內地消息指汪小菲同緋聞女友張穎穎疑似就墮胎一事嘅對話截圖，令傳聞更加似層層。
截圖中顯示，疑似汪小菲唔想女方即刻墮胎，一直勸女方「好好商量，老公一定會好好疼愛你」。不過疑似張穎穎就直言，覺得男方冇明確告知自己是否要「留肚」，態度模棱兩可，所以佢對於墮胎態度堅決：「我們很草率，你想的也不成熟，現在如果你堅持要孩子的話，想沒想過懷孕期間，我要自己在家很長時間，如果沒有一個穩定的環境，我不會安心，我會去醫院打掉他。」而疑似汪小菲就講到明二人會有「咱們的」、「我會好好珍惜你」等肉麻情話，似乎係「仔乸都要」。不過對話截圖兩位主角身份未被證實。
有傳2021年10月，張穎穎喺北京和睦家醫院進行流產手術。據汪小菲發文自述，當時他尚未與大S離婚，仍在求大S和好，2021年11月先同大S宣布離婚。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
