台灣電視金鐘獎尋日（7日）公布入圍名單，當中神劇《華燈初上》成為大熱門之一，視帝、視后、男女配等通通都有入圍，估唔到兩位女主角林心如同楊謹華各有各慶祝方法，當中身兼製作人嘅林心如，就自爆內心波濤洶湧，本身開緊工嘅佢，一聽到消息時更加衝出化妝間大叫：「哇！終於有時間可以自己冷靜的消化一下了。一整天心情高低起伏，內心小劇場不斷，偏偏又是在工作中，還是必須表現自己最專業的狀態，刻意不去看手機不去聽旁人的議論，工作人員也降低了直播的聲量，但就在我聽到『林心如』那3個字的瞬間⋯終於還是忍不住衝出化妝間感受那真實，天啊！」
而第7度入圍金鐘、第5度爭最佳女主角嘅楊謹華，今次聲勢強大，雖然兩大「媽咪」對決被視為死亡之組，不過佢反而大玩「反璞歸真」拋開戾氣換上睡衣影「床照」，狂晒勝利手勢嘅佢更加同老公越洋視訊，仲大晒長腿益網友，即被讚幾時都咁索。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
