台灣女星徐熙媛（大S）近年經歷離婚兼再婚，幕前事業一度停擺，更轉戰幕後擔任製作人，久未公開露面示人，早前細妹小S被問到大S會否出席金鐘獎時亦一口否認， ...
台灣女星徐熙媛（大S）近年經歷離婚兼再婚，幕前事業一度停擺，更轉戰幕後擔任製作人，久未公開露面示人，早前細妹小S被問到大S會否出席金鐘獎時亦一口否認，不過今日（20日）大S突然無預警復出，為保養產品擔任代言人，佢更罕有更新社交網，上載代言花絮片段，見先後換上兩套白色晚裝裙嘅大S，弗到爆狀態大勇，顏值身材均重回巔峰時期。佢又講到今次合作，全因妹妹小S都係該品牌嘅代言人而促成，又透露近況：「因為疫情的關係我的生活也變得比較簡單，希望這一次跟大家見面，可以把這種平凡的正能量分享給大家。」
