MIRROR「人氣王」姜濤因籃球賽扭傷右腳而動手術，依家要撐拐杖兩個月，醫生仲唔畀佢落床，搞到佢好多Job都要推晒佢，當中今晚（18日）嘅同格林美獎得主、韓國女高音曹秀美演出假西九舉行嘅「樂在維港」音樂節，佢就要改為視像「現身」，尋晚（17日）佢喺社交網發文致歉：「雖然很遺憾明天（今天）不能親身到場參加『樂在維港』音樂會，但我還是可以通過視像和大家見面的，再次對所有製作單位感到抱歉。」
而另一音樂榜早前因為MIRROR演唱會事件而延遲舉行，原定9月17日於亞洲國際博覽館舉行，現延至本月27日正式舉行，不過礙於姜濤今次受傷，最終佢都係要缺席音樂榜，並發文道歉：「很抱歉因為腳傷未能出席今年音樂榜，但我相信當晚MIRROR兄弟、家謙和其他出席歌手一定會為大家帶來精彩的表演，我也一定會看直播，和大家一起支持他們！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
