男團MIRROR「人氣王」姜濤因為參加藝人籃球賽時扭傷右膝蓋，最後要動手術及撐拐杖兩個月，因而影響其往後工作，當中受影響嘅就有本月18日晚，同格林美獎得主、韓國女高音曹秀美演出假西九舉行嘅「樂在維港」音樂節，大會今日（17日）宣布姜濤將會繼續參與音樂節，不過改為作online演出。
大會發文指一直都有與姜濤方面溝通，惟直到今日早上，其主治醫生仍建議佢盡量唔好落床走動。經多方協調後，大會安排姜濤喺家中以視像形式同觀眾見面：「短短的幾行文字，不能表達我們在上星期五得知姜濤受傷的心情，尤其是所有人都一直十分熱切期待姜濤與曹秀美的合唱環節。我們一直保持希望，看看有沒有辦法可盡量安排姜濤親身出席音樂會，當然同時亦以他的康復進度作首要考量。姜濤明天會以特別視像連線方式參與是次演出，在我們透過螢幕觀看他表演同時他亦同樣可感受現場氣氛，希望大家屆時能夠一同合唱他的歌曲，用音樂去療愈姜濤及所有人的心！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
