今日係5月8日，睇是日星座運程之前，不如挑戰吓IQ題，BB半夜三更喊，有咩方法只係用一隻腳就可以令BB唔喊？想知答案就要睇《星語》喇！入正題先，今日嘅幸運星係巨蟹座，你哋財運好到極，投資有斬獲，生活無憂。操到勁大隻嘅郭子豪原來係巨蟹座，有水象星座嘅柔情，唔怪得最近喺無綫劇《隱形戰隊》入面爆喊都難佢唔到。除咗有演技，郭子豪都好有生意頭腦，仲同好兄弟何廣沛同方紹聰成立咗製作公司，聽講已經賺緊錢喇！今日財運咁勁，好消息陸續有嚟呀，既然都生活無憂，睇嚟下一步都應該係成家立室喇喎！
財運同樣唔錯嘅仲有山羊座，山羊座嘅朋友獲好運氣加持，理財有道，容易藉投資獲利。山羊座嘅陳詩欣除咗係「3日2夜」女神，經常喺社交網大派福利之外，其實佢投資都有一手，不過佢主力投資名牌包包，雖然有網友話佢係「拜金KOL」，但陳詩欣就反擊話其實啲手袋好保值。今日咁好彩，睇嚟陳詩欣大有機會入手新包包！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
