今日係5月8日，農曆三月十九，是日最旺生肖係鼠。你哋事業運旺，好易搵到進步嘅突破口，即係有機會喺職場步步高昇。鼠女陳楨怡最近又真係令人眼前一亮，雖然之前被爆私生活極混亂形象插水，不過反而多咗人識，而佢都冇放棄自己，繼續努力工作！終於喺《廉政狙擊》有突破性演出，被五花大綁性虐待，令觀眾印象勁深刻！堅係好大進步，加油唔好浪費自己嘅靚樣同好身材！
屬虎嘅人工作上都有機會表現自己，會獲得滿足感。屬虎梁朝偉拍戲通常做主角，當然有機會表現自己，最近仲狂攞獎添！不過睇淡名利又鍾意獨處嘅佢，可能早排自己一個搭飛機去玩，先係最有滿足感，佢仲試過因為悶，即日來回倫敦餵鴿添！原本有網友爆料佢今次係去新加坡，點知最近上星期突然現身東京被捕獲，真係來無蹤去無影。不過去邊都好啦，最梗要係開心滿足！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
