講起麥玲玲這位堪輿學專家，除了睇相睇風水了得，其實她在演藝方面亦有涉足，自2009年開始已參演過《猛男滾死隊》、《低俗喜劇》，《八卦神探》、《法證先鋒IV》等電影、劇集。雖然玲玲師傅於《法言人》的角色白綺曼（白小姐）只屬其中一集的單元角色，但其實她為了這個角色也落足了心機和本錢。
為角色度身訂做6套衫
麥玲玲接受《香港01》訪問時，表示自己落足心機研究角色。她說：「角色背景有強迫症，又有少少神經質，所以佢打扮啲衫一定會一套套，連狗仔都係同一套衫，同一匹布。」她直言為了角色，專程訂造了6套衣服，不止如此，還出動了她自己的名牌手袋。她說：「手袋都係私伙，炒價都唔算好貴，係難買啲，都係廿幾萬啫，都係mini kelly，鴕鳥皮。」
搵蝦頭大師教戲：強迫佢收學費
外在有充足準備，其實麥玲玲也準備好了「內在」。她表示每次收到劇本後，都會不厭其煩地請蝦頭（楊詩敏）關於角色的演釋。她說：「會做背景，角色分析，例如《法言人》白小姐，佢會叫我諗吓林燕妮才女係點，仲有幾個演釋方式畀我揀，你知我呢啲業餘未必摸到路。我收到劇本就會交學費。」麥玲玲直言怕蝦頭這位戲劇大師不肯教，笑言所以每次都會強迫她收學費。她說：「分開幾次，每次趁佢夜晚瞓覺唔覺意就FPS畀佢囉，我驚佢唔教我呀。」
keep住拍劇三大原因
麥玲玲師傅本業是堪輿學家，睇相睇風水改名隨時都一日收入都比拍劇多，為什麼她還要花這麼多時間？她表示有三大原因，因為拍劇能夠減壓之餘，也能夠令自己「貼地啲」。她說：「拍節目都好，但係拍劇可以放鬆自己，做劇入面角色可以玩。」其次，拍劇可以令她自己更為「貼地」，她說：「平時做師傅有幾何有人教返你轉頭？但係做節目或者拍劇就會有對手同埋現場導演教你嘢，例如之前做節目森美會教我點講嘢，拍劇蝦頭教我點演個角色。做人唔可以離地㗎，最緊要貼地。」最後一點，麥玲玲師傅直言中國北方地區的朋友未必認識她是堪虞學家，但就有人認得她是TVB劇中其中一個角色，所以對她以堪輿學家打入當地市場也有幫助。
麥玲玲：我都冇check過有幾多騷錢
麥玲玲拍劇有人工？她笑言：「騷錢實有嘅，但係我都冇check過有幾多，講真我訂造一套衫都一萬蚊，6套都6萬啦，仲有畀蝦頭老師嘅學費又幾萬，連『萬歲』（片場請食飯）都唔止呀，仲有時間呢，為咗拍劇要推咗出騷，幫人睇風水改名，一個工作都十幾萬㗎，所以我為咗拍劇真係不計成本。」記者笑言，客串拍劇的騷錢就好似一滴水倒進沙漠一樣，她就說：「哈哈，又冇咁誇張。」
珍姐、樂小姐開口 麥玲玲都拒絕加人工
在TVB拍劇多年，原來她一直都沒有加過人工（騷錢），甚至抗拒人工。她說：「樂小姐同珍姐都話過，我咁多年都冇加過騷錢要加返畀我，我話：『千祈唔好呀！加咗之後冇人用我咁點算？』你知監製拍劇用人都係睇budget，加貴咗之後冇人用我，我冇得拍咁點算？哈哈。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
