「CHILL CLUB推介榜年度推介22/23」頒獎禮今日（7日）舉行，頒獎禮中段頒發幕後獎，「年度作曲人」為徐浩；「年度編曲人」是黃兆銘，「年度監製」王雙駿及T-Ma，還有黃偉文獲「年度填詞人」。緊接由Gin Lee（李幸倪）上台表演，在有live band的伴演獻唱《1 st Date》，之後又到馮允謙上台，正當有網民鼓譟，由7點等到9點，足足等了2個鐘都未見姜濤時，姜濤以全黑出場，黑西裝褸加黑褲演繹《一號種籽》，明顯有收身成果的他，雙下巴不再，雖然沒有勁歌熱舞，但都有郁頭郁腳，身手靈活，台風十足，網民大讚：「姜濤超正」，又有網民「投訴」：「幾時到Edan呢？」之後姜濤再現身跳舞，引來全場掌聲！有網民仲大讚：「佢唱國語歌好好聽。」
頒獎禮近尾聲時，頒發「年度男／女歌手」金銀銅獎，分別得獎為鄭欣宜、陳蕾及Serrini，鄭欣宜因病缺席，而「年度男歌手」金銀銅獎，為Anson Lo、姜濤及Ian。其中鬥得最激烈的Anson Lo、姜濤，當姜濤得銀獎時，他逐一多謝12位隊友：「多謝MIRROR其餘11個。我哋頭幾年內部有好多問題，經過咗《調教你MIRROR》，Lokman感覺到你好努力咁成為一個隊長，Tiger好有才能、Jeremy進步最多，Alton好希望有自己表演嘅舞台，你得嘅，Frankie努力咁搵緊自己嘅目標，AK雖然脾氣照舊，但佢好努力成為我哋嘅副隊長，所以我好尊重你，Ian,I love you 你攞咗我好開心，Stanley你好想成為一個演員，你一定會得嘅，Jer好想做到自己嘅音樂路，繼續堅持落去我，都係咁樣嘅，Eden喺ＭIRROR入邊我第二個佩服你， Anson Lo我知外界成日將我哋攞嚟比較，我哋嘅支持者會有好多嘅爭拗，但我從來冇理過呢啲，雖然我哋經歷過好多誤會，但係我會好信任你，I love you。」
而金獎得主Anson Lo一度哽咽說：「近日好大壓力，多謝神徒嘅陪伴，好想同睇屋企，爹哋媽咪講聲Hi，今日係家姐生日，想講聲對唔住，近排我好少喺屋企食飯，你哋好擔心我嘅作息，好多謝你嘅體諒，同埋你哋今朝嘅短訊，好Sweet，我會令你地好自豪，最後要多謝ＭIRROR每一位兄弟，啱啱姜濤講嘅外界嘅紛爭同比較，我哋冇辦法控制，呢樣嘢永遠都會存在，但冇嘢可以阻擋到我哋12個人嘅力量，無論報紙點寫、無論外界嘅評語，我哋做嘢都只會一樣，一齊繼續努力，每個想分化我哋嘅comment，我想同你講，我哋永遠都係ＭIRROR。」
而頒獎禮第6個表演環節，由5隊Band輪流演出，其中樂隊逆流被網民激讚表演「好正」，「台下班歌手好似睇騷咁」。及後，頒發「年度唱作歌手」金、銀、銅分別由林家謙、陳卓賢（Ian）和馮允謙奪得，林家謙說：「好開心，多謝每一位投票嘅朋友，多謝喜歡我唱及作嘅朋友，多謝我嘅屋企人、團隊。」Ian說：「多謝對上一年同我有合作過嘅音樂人，我會繼續努力，多謝大家，同埋每一位有份投票嘅人。」馮允謙說：「呢幾年我非常幸運，有機會踏上舞台得到獎項，我都曾經經歷過一段時間先有今日，都想鼓勵咁多位歌手朋友仔，你哋都做到㗎，只要堅持努力唔好放棄。」
到7部分表演環節，終於等到Jer及Edan出現，偕唱同屬唱得之人衛蘭及岑寧兒大晒唱功。Dear Jane及RubberBand分別獲「年度樂隊」的金及銀獎，Dear Jane主音阿Tim多謝歌迷：「陪我哋行一條音樂路，喺呢條路上好開心，我哋又陪番大，多謝屋企人同埋我啲仔女、老婆，做我哋粉絲唔易。」
Anson Kong和ERROR被安排在「熱血最強」環節，不過Anson Kong和ERROR的音響疑出現問題，明顯無聲，期間Anson Kong不停搞耳機，而保錡索性將耳機除下。再到頒發「年度組合」獎，金銀銅得獎單位為MIRROR、ERROR、COLLAR。Gao分享得獎感受時，因咪沒有聲而要換咪：「好多謝大家嘅厚愛，同埋可以同其他單位一齊入圍，多謝教導過我哋嘅導師，你哋鼓勵我哋已經收到晒，我哋會努力做好自己同音樂，繼續表演畀大家睇，希望大家繼續陪伴我哋成長。」
ERROR的發言最夠娛樂性：「多謝首先嘅樂隊，因為如果佢哋唔係攞咗樂隊獎，呢個就唔會輪到我哋，或者搞一個MIRROR除外嘅組合獎，我哋就有機會攞金獎，我哋唔講得咁多，將個台交番比MIRROR。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
