歌手吳浩康（Deep）早前同老婆郭思琳傳婚變，雖然佢哋已作出否認，仲指係兒子錯手發文，而令大家有所誤會。不過日前郭思琳又爆Seed，發文公審鍾達茵，掀起連場罵戰。事緣，上星期二（10日）吳浩康開Live唱歌，佢邀請鍾達茵做嘉賓，而鍾達茵喺吳浩康去洗手間嗰陣，戲言話會「掛住你」，而令郭思琳醋意大發。
到咗尋日（14日）鍾達茵寸爆反擊，佢先上載同歌手雷有輝（Patrick）嘅片，喺片中佢話：「Pat哥，我好掛住你喎！」之後又再話︰「吓，你咁樣走咗，我會好擔心你㗎喎！」仲留言：「我咁樣同Pat哥講『掛住佢』同『擔心佢』，唔知Pat哥老婆會唔會公審我呢？」明顯係向郭思琳挑機。除此之外，佢仲轉發同友人飯敍嘅相，當中都有Hashtag「掛住你」字眼，仲話：「點解要公然咁同人哋女朋友講埋啲咁嘅嘢？」明顯係回應早前被郭思琳指佢同吳浩康「凌晨孤男寡女去間無人嘅餐廳敍舊」，最後佢表明自己已經有男友
本文作轉載及備份之用 來源 source: http://hk.on.cc
|
鍾意就快D Share啦！
|
|
|