Winnie Yuen同羅明珠近年的友情突飛猛進，毒后的 IG不時上載二人合照。
探熱針
羅明珠猝逝 同屋主毒后 Winnie立刻潛水
80年代憑住《開心鬼》系列成名，是開心少女組一員的息影女星羅明珠，上週五（ 27/5）猝逝，終年 47歲。死因眾說紛紜，有指是服用減肥藥，也有說是突發性心臟病所致。據了解，警方要求驗屍，以確定死因。
不活躍幕前，但羅明珠生前是圈中好友活動常客，近年更與有毒后之稱的 Winnie Yuen結成閨密，義氣行先的羅明珠甚至讓對方搬埋入貝沙灣屋企同住。
事發後 Winnie Yuen一直潛水，有傳警方正從多個途徑聯絡她，希望對羅明珠死因有進一步了解。
司機報警
原名羅皓茵的羅明珠，上週五（五月二十七日）凌晨，在貝沙灣住所感到心口翳悶及突然嘔吐，由一名姓 Wan、報稱是事主 part time司機的男子報警，送往瑪麗醫院搶救，至凌晨三時多，宣告搶救無效，終年四十七歲。
對於羅的死因，有指是心臟問題，亦有指和她近日服用減肥藥有關。由於入院未夠二十四小時，警方已要求驗屍，並派人到她貝沙灣住所，檢走藥物檢驗。
週日（二十九日）早上，七名親友，包括羅母、兩弟一妹等，前往西環域多利公眾殮房認屍，離開時，傷心的羅母需親友攙扶。
已轉戰金融界多年的羅明珠，得中南證券掌舵人莊友堅賞識，讓她擔任上市公司仁天科技控股（ 885）旗下子公司的董事。
易請難送
據知，與圈中人來往的羅明珠，近年同被稱為娛圈毒后的 Winnie Yuen成為閨密。
有指過去長住深圳的 Winnie Yuen，自從同羅明珠成為好姊妹後，經常港深兩邊走，唔計較的羅明珠見她在香港無地方落腳，便提議對方返香港期間，住她貝沙灣屋企。
「 Bonnie（羅明珠）份人大情大性，佢唔會諗太多，加上有地方，諗住方便朋友，點知 Winnie Yuen一住就住咗兩年幾，仲唔使俾租，不過 Bonnie都冇所謂。」羅明珠的好友透露。自此二人更加形影不離，每次羅明珠上載友人飯局相， Winnie總有在場。羅明珠猝逝翌日， Winnie在 fb留言悼念故友，但卻一直未有現身。據兩人的好友透露， Winnie在羅明珠出事後馬上搬離貝沙灣，電話都熄埋，全面無影。
有消息指，警方已嘗試從多個途徑，希望同 Winnie取得聯絡。
同藍潔瑛好老死
經常黐住羅明珠的毒后 Winnie Yuen，原名阮慧珊，今年 56歲。 17歲開始在 disco做公關，因此與不少圈中人熟絡，當中與藍潔瑛及陳寶蓮尤其深交，經常一齊玩。
00年 Winnie接受訪問時，自爆有吸毒：「好多毒品我都試過，包括冰、四仔、 Coke同 K，但而家冇掂，由始至終我都只係食草（大麻）啫！」但她否認自己是毒品「拆家」。近年 Winnie都 keep住同娛樂圈中人交往，而且年齡層更日趨年輕化，同「巨聲幫」的坤哥（吳業坤）及陳國峰亦混熟，一齊開 P開餐，玩得勁 high。
撰文、攝影、攝錄：娛樂組
|
鍾意就快D Share啦！
|
|
|