大劉劉鑾雄今日突然開記者會，回應網上五則不實報導，一如以往，劉生妙語連珠，亦就事件逐一回應，包括呂麗君的關係、遺產分配，劉太甘比投資傳聞，與恒大的關係，亦透露自己對接班人的看法。當然大劉一向有留意TVB的節目，今次記者會上表示最近見到《東張西望》「有個肥女人嫁咗四次，間公開都呃埋個仔，陳凱韻肯聽我說話，三個仔女都肯聽我講話」，更指《愛回家》有女演員疑似整容，「笑起上嚟硬膠。」
