藝人馬國明、丁子朗日前到馬來西亞出席品牌活動，現場不少粉絲，相當墟冚，其中有一名女粉絲於現場很激動衝上前影相，馬國明被嚇一跳，露出愕然表情，經驗豐富的他保持鎮定，結果女粉絲被現場保安阻住，更需其他工作人員安撫。而馬國明的愛妻湯洛雯就與家人齊齊到日本旅行，雖然新婚不久，但馬國明因為一直要忙於工作，拍劇及登台，故惟有之後才跟老婆去玩。
他接受東網獨家訪問時謂：「係呀！老婆去咗旅行，佢開心就得，HAPPY WIFE HAPPY LIFE嘛！我就要繼續努力搵錢，不過今次去馬來西亞做嘢都好開心、順利，但係時間都好急趕，我要趕返嚟拍戲，做完就要即刻搭飛機返港，依家兩頭家，我自己同埋爹哋、媽咪，所以要再努力搵錢先得。」
至於之前憑着節目《亞洲超星團》帶挈不少搵銀機會的丁子朗之前坦言覺得之前的韓仔造型、化妝都不適合自己，而日前出席活動中，子朗已將妝容調整至之前陽光男孩形象呢，更被不少網民讚賞呢！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
