張致恒（Steven）2019年娶女粉絲區燕雯（雯雯）後4年抱4，Steven最近就因經濟問題公開喺社交網向網友「乞錢」，晒出Qr code叫網友直接過數畀佢「渡過難關」，即被網友鬧爆厚面皮，竟然做「伸手黨」明目張膽問人攞錢，Steven亦即急急解釋打緊兩份工作云云，不過網友仲係未下火。
尋日（5日）有網友就偶遇佢去超市，雖然網友只係影到疑似係佢嘅背影，不過身穿灰色Tee、戴帽嘅男子，用緊自助付款機畀錢，收據水蛇春咁長，似乎買咗好多嘢。網友見狀，即留言嘲諷：「冇錢開飯都食到肥屍大隻」、「小心佢搵你（樓主）借錢」、「前兩日網上行乞，有錢了」、「資助佢、幫佢掃Code啦」等，仍然不得民心。
日前薛家燕連同幾位視帝及視后，到馬來西亞雲頂登台，當中有黎耀祥、胡定欣、陳展鵬同馬德鐘。有網民喺社交網上載一段馬德鐘獻唱嘅短片，影片中可見，馬德鐘大開金口，獻唱佢主演嘅劇集《衝上雲霄》主題曲《歲月如歌》，並不時向台下嘅粉絲揮手打招呼，即時炒熱全場氣氛。不過唱得投入嘅馬德鐘，竟然被網民狠批佢走音兼難聽︰「聲音那麽小聲，聽甚麽」、「還是陳奕迅唱的好聽」。其實大部分嘅網民都大讚55歲嘅馬德鐘保養得宜，「Fit爆」嘅身材十年如一日，佢更以超Deep V馬甲上陣真空大騷結實胸肌，睇到台下嘅女粉絲流晒口水！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
