藝人佘詩曼(阿佘)日前生日，各地粉絲為她舖天蓋地慶生，當然除了粉絲之外，阿佘最疼錫的就是其母親，向來孝順的她每年生日都會跟至愛的母親一同慶祝，今年都不例外。阿佘昨日於社交平台PO了一張跟母親的合照，相中的她從後緊抱媽媽，令對方冧爆甜笑，非常溫馨。阿佘更留言:「每年嘅生日都提醒我要感謝爹哋媽咪帶我嚟呢個世界體驗同學習。今年踏入第49年喇，好似做咗好多嘢，但係又好似有好多嘢仲未做，要學嘅嘢仲有好多好多，其中一個大課題就係生老病死。喺媽咪唔舒服嘅呢一年半，我好似又大個女咗，變得更堅強。健康當然重要，但係開心始終係第一位，淨係日日都見到媽咪呢個招牌笑容都冧晒啦～我今年嘅生日願望係：「希望大家一齊集氣，祝佘媽媽身體健康」此外，她亦於限時動態PO了拿着一碗燒賣的照片，更表示:「踏入49歲嘅第一日，最想食嘅嘢！」
此外，阿佘向來圈中好友甚多，圈中長輩苗僑偉、張兆輝、許紹雄及監製鍾澍佳亦齊齊送上蛋糕，與壽星女吃飯慶生。當然還有阿佘的好姊妹「七魔女」成員周家蔚、湯盈盈、梁靖琪等人，眾人送上超級大壽包為她慶祝。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
