蕭亮90年代移居加拿大，但00年代又與太太回流，重回無綫電視，拍攝《男親女愛》、《皆大歡喜（古裝及時裝）》、《隔世追兇》、《棟篤神探》、《阿旺新傳》等劇集，不過當時常有傳聞指蕭亮是「攝石人」，亦與苑瓊丹鬧不和。
苑瓊丹在《男親女愛》和《皆大歡喜》都有同蕭亮合作，古裝版時二人擺明不和卻又要做一對，至時裝版公布陣容時，蕭亮一度被飛起，苑瓊丹當時對傳媒說唔關自己事，自己只是被開會時通知，講到不和傳聞時，苑瓊丹表示：「唉，激完氣咪算囉，我唔係怕咗佢，係敬而遠之，係同佢無火花啫。」而蕭亮後來有在《皆大歡喜》時裝版登場，不過只屬客串。
有指蕭亮後來拍《阿旺新傳》時，因企位問題激嬲導演，遭對方以粗口鬧爆，並被暫停幕前工作，這亦是他在TVB的最後一套作品。而苑瓊丹前年在訪問上亦再度提起蕭亮，她為王祖藍的《有個閨密叫祖藍》擔任嘉賓，在「逆轉 Truth Or Dare」遊戲中，祖藍被問「拍劇最難頂嘅人」時支吾以對，苑瓊丹未知是為他解圍還是真情流露，衝口而出說：「我最憎邊個？蕭亮囉！」祖藍嚇親並笑言︰「而家係問我，其實你可以唔講，陰錯人喇！」到時苑瓊丹是說笑還是未能釋懷，就不得而知。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
