視帝馬國明一向貼地，平時都成日畀人撞見佢去街場踢波、搭地鐵出入等，近月佢就為無綫新劇攻陸做宣傳，加上新劇亦喺佛山拍攝，好多時間都用咗喺交通上。頻頻要返內地開工嘅佢，估唔到貼地習慣冇變到，近日就有網友表示喺高鐵撞到佢，親民作風更係迷到一眾內地粉絲。
有網民前日（7日）上載喺高鐵廣東南站野生捕獲馬國明嘅相，素顏上陣都同對方合照，一啲視帝架子都冇，該網民事仲自爆二人交流經過，非常爆笑。網友指自己認咗成40幾分鐘先確認係馬國明，到站時先敢問對方：「請問一下你是明星嗎？」馬國明即點頭叫「你好」，更被發現身為視帝嘅佢，竟然只係坐價值236元港幣嘅二等車位，難怪網民對佢一致好評，狂讚：「竟然坐二等座真的很接地氣」、「佢好慳家」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
