內地女星趙薇去年底宣布與前夫黃有龍離婚，二人育有15歲女兒「小四月」，愛女就讀瑞士貴族學校，年學費近百萬人民幣，平時佢都愛拍跳舞短片晒靚樣，被指滲出陣陣網紅味。尋日（23日）小四月難得媽咪趙薇出巡，現身北京機場飛大理度假，真實容貌終於曝光。
趙薇帶住趙母、囡囡小四月現身北京機場，被大批網友拍到三人同框畫面。15歲嘅小四月身高已同基本持平，趙薇官方身高為1米66，今次同框進一步引證其接近媽媽身高。而小四月身材纖細高挑，長髮披肩，網友發現其一身打扮合共約逾6萬人仔（約65,770港元），面對鏡頭自然大方，網友指其五官似足爸爸黃有龍，未完全復刻母親標誌性「大濃顏」。趙薇則全程佩戴口罩，身穿寬鬆襯衫，豐腴有貴氣。
小四月今次現身疑為暑假回國探親，之後將返瑞士繼續學業。今次見人，小四月全程未迴避鏡頭，高調亮相即引發是否計劃進軍娛樂圈嘅討論，加上佢近期頻繁更新社群平台，先後發布Vlog、手勢舞影片等，未出道先儲定一批Fans。
本文作轉載及備份之用 來源 source: http://hk.on.cc
|
鍾意就快D Share啦！
|
|
|