有不少新手媽媽「報東張」，表示在社交平台的媽媽交流群組被騙錢，但原來這個騙徒由2023年開始騙人到今年，她以有平價奶粉出售作引誘這些媽媽「落搭」。苦主Yuki表示自己剛剛懷孕：「因為bb差唔多出世，我哋希望屋企有少少存貨。」亦有不少媽媽接受訪問表示同樣被這騙徒「呃奶粉錢」。
至於為什麼會這麼多人在網上找奶粉，原來是因為奶粉商有不同的媽媽會，他們會向新手媽媽派發試飲奶粉，但有機會bb不適合飲用，所以就有不少媽媽在網上進行交易。但有騙徒就趁此機會騙錢，苦主羅太表示：「因為市面上搵唔到細罐嘅奶粉，咁啱我屋企嗰罐飲晒，佢有賣我想飲嗰隻牌子嘅奶粉，同埋佢個價錢又合理。」所以就成為了騙徒對象。
亦有一苦主阿Sa就非常幸運，她被騙徒騙了$1,400，但她鍥而不捨地向騙徒施壓：「開頭我畀咗$1,400買5罐奶粉，佢本身話用順豐，但係佢冇寄畀我，佢話佢仲有好多貨源，然後就叫我畀錢，我覺得唔對路，我貨都未收就叫我畀錢。」騙徒收錢後就消失，但阿Sa兩個月內不停追貨又追錢，隔了兩個月後的一天，對方就自動把騙去的$1,400還給阿Sa，連阿Sa自己都笑指：「我諗係我鍥而不捨嘅煩，我一得閒就SEND信息話退錢，奶粉錢都呃。」最後騙徒真的退還奶粉錢。
本文作轉載及備份之用 來源 source: http://www.hk01.com
|
鍾意就快D Share啦！
|
|
|