TVB綠葉藝人楊證樺近年投資安全管理公司,榮升保安公司老闆,又同藝人太太沈可欣合作開設韓式培育寶石生意,瓣數多多嘅佢唔只有生意頭腦,佢仲係一位良好市民,繼上次被網友見證出手指揮交通後,今次佢仲保護跌穿頭嘅伯伯周全!
有網友晒出一張一位伯伯跌坐街頭嘅相,留言指有位年長男子跌穿個頭,有女士上前幫伯伯止血,後面就見到楊證樺畀隻腳伯伯挨住,伯伯則用手按頭,似等待救護車到場。大批網友睇完即大讚楊證樺成日出手助人,今次Pose仲要好有型,協助救返條寶貴生命,祝願佢好人平安一世。唔少網友亦表示多次喺元朗撞到佢一家人,之前小朋友去做健康檢查,都見到佢兩公婆帶小朋友去,亦有佢小朋友同校車嘅同學仔家長留言,見證佢哋一家人貼地又有愛心。
本文作轉載及備份之用 來源 source: http://hk.on.cc
鍾意就快D Share啦!
|
|