曼聯喺轉會窗最後一日順利完成任務。
歐洲主要聯賽嘅夏天轉會市場，周二(2日)朝早正式結束，英超豪門繼續主導市場，其中曼聯表現相當活躍，「閂窗」前壓線簽入比利時門神辛尼拉文斯，困擾多年嘅大門不穩問題可望解決。另外，曼聯亦宣布將海倫、安東尼馬菲奧斯同查頓辛真放走，「炸彈兵團」全部肅清。
曼聯喺轉會窗最後24小時瞄準新門將，先後同拉文斯、達米安馬天尼斯達成轉會協議，但首選一直係安特衞普嘅拉文斯，最終傾掂1,820萬鎊轉會費，另加340萬鎊獎金條款完成交易，拉文斯完成體測後簽約5年，並且趕及喺轉會窗關閉前一刻完成手續兼官宣。
23歲嘅拉文斯簽約後表示：「我非常榮幸加盟曼聯，今次係夢想成真......你感受到曼聯依家建構嘅正面氣氛，我知自己可以喺未來幾年發揮影響力，非常期待同領隊、隊友一齊努力達成目標。」曼聯依家有拉文斯、比恩迪亞、奧拿拿同湯希頓4位門將，競爭激烈。
解決龍門問題之外，曼聯亦成功肅清3大冗員，丹麥前鋒海倫以「先借後買」方式轉投拿玻里，明年強制性用3,800萬鎊買斷；安東尼亦落實回歸年初效力嘅貝迪斯，轉會費為2,270萬鎊；查頓辛祖就被外借去阿士東維拉1季，維拉將負責辛祖8成人工。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
