《2025香港小姐競選》冠軍陳詠詩、亞軍施宇琪、季軍袁文靜與「最上鏡小姐」李尹嫣今日（2日）到尖沙咀出席領獎活動。陳詠詩講到與男友的親「蜜」照曝光，她說：「嗰陣Post得出嚟，都係光明正大，嗰陣喺外國生活咗兩年，一齊去紐約升學讀書，嗰邊嘅文化同香港有少少唔同，返到嚟香港唔係想隱瞞，如果想隱瞞就一早唔Post出嚟。」
陳詠詩透露與男友拍拖3年，感情穩定，問到可擔心選冠軍分手魔咒？她笑說：「都有聽過，順其自然，依家呢一刻係冇擔心嘅。」問到她刪去社交網的性感相，好似水着與派對照，是否受到公司壓力？陳詠詩則說：「係自己嘅諗法，因為決賽都有泳裝環節，唔想泳衣照咁快畀人見到，希望保持神秘，同埋Post得出嚟都唔覺得有問題，只係香港嘅文化唔同，唔係要隱瞞。」
施宇琪與袁文靜皆大方承認有拍拖，同樣指不擔心選美分手魔咒。但施宇琪指為了保護男友私隱，而刪去社交網中的兩人的合照，問到她當選可會令男友有壓力？施宇琪說：「佢冇壓力，佢好清楚我嘅為人，知道我係一個光明正大嘅人，所以冇任何憂慮。選美同感情生活都未必有關係，對我哋嘅感情有信心，當然希望唔會分手啦，哈哈。」袁衣靜亦透露與男友拍拖4年，感情穩定，得獎後與男友及家人齊齊食上海菜慶祝。而李尹嫣則透露現在沒有拍拖。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
