姜濤作為近年最具代表性的香港偶像，要面對「Haters」的攻擊，他早期出道經驗尚淺，面對排山倒海的批評，曾嘗試以正面回應反擊；但其後意識到，這些「Haters」多數只是把他當作發洩日常情緒的出口。他表示，自己仍在學習如何應對這些負面批評，並吸收對自己有幫助的意見，持續成長。
提到MIRROR，姜濤直言成員年輕時都會有「拗撬」，但走到七周年，十二位成員的共同歷練已令大家成熟不少。他又表示：「我哋一直都磨合緊，但係而家有咩都會直接講，互相包容大家嘅缺點。」其後，當馬時亨問到會否考慮於啟德體育園舉行演唱會時，姜濤回應：「一個人係咁大嘅場開Show壓力好大，但係同MIRROR一齊就應該冇問題」。
姜濤亦在節目中分享一個印象較深的粉絲故事：他的一位婆婆粉絲在另一半離世後，無兒無女、亦無親人，於是把姜濤當作「孫仔」般看待。他表示：「如果自己嘅存在，可以俾呢啲孤獨嘅人有個依靠，真係我冇諗過嘅事。」並對粉絲一直以來的支持表達感謝。
最後，面對馬時亨問他之後會否結婚，姜濤即刻回應：「我老婆係出面！」隨即解釋自己近年買了車，現時就像有女朋友一樣：「間唔中都會想去望吓佢，我諗之後有女朋友都係咁嘅感覺。」姜濤初出道時自爆未拍過拖，至今感情生活仍是一片空白，難怪令馬時亨先即場嚇一跳，繼而大笑。姜濤其後補充，未來也希望擁有自己的家庭，並表示十分敬佩馬時亨維繫逾四十年的婚姻。
本文作轉載及備份之用 來源 source: http://www.hk01.com
|
鍾意就快D Share啦！
|
|
|