黃澤鋒一家四口首度接受港台節目《舊日的足跡》主持車淑梅訪問，暢談迎接二胎的喜悅與家庭生活點滴。談到58歲高齡產子是否打破紀錄時，黃澤鋒笑言：「以我所知，屯門醫院多年前嘅最高紀錄都係58歲，我哋只是追平！」太太產後坐月期間，他親自下廚，悉心燉煮各式各樣的補身湯水，希望幫助她盡快恢復元氣。在旁的陳麗麗盛讚丈夫是「神隊友」，無微不至的照顧，令她精神飽滿。
早前二人透露曾經歷小產，並在醫生建議下以人工受孕方式迎來二女兒，過程中雖經歷不少波折與失落，但總算苦盡甘來。陳麗麗藉此鼓勵同路人：「你們並唔孤單，我哋嘅成功係一份恩賜。只要放開心情，奇蹟出現與否都係唔同嘅人生任務，唔好鑽牛角尖。」
升格為家姐的「小黃妃」亦興奮地分享初為姐姐的喜悅：「我唔會呷醋，因為我好錫妹妹！我會住她，玩佢手仔，等她長大後就可以同我一齊玩捉迷藏。」她更自豪地分享照顧妹妹的經驗：「我有幫忙收拾尿片，真係好臭！一聞就知道係大便定小便。」口齒伶俐的她又表示，學游泳時學會了閉氣，只要再戴上口罩，臭味便不成問題了。
面對外界曾出現的質疑聲音，黃澤鋒坦言：「佢哋起初可能唔太諒解，但看到我哋咁努力都漸漸支持，真係很感恩。」他透露將於 11月23日為小女兒舉行百日宴。他又謂：「喺我哋呢個年紀還可以辦百日宴，真係好開心！希望到時大家都嚟喝一杯，我哋一家都好鍾意熱鬧！」
夫妻二人為小女兒取名「黃熙喬」，其中「喬」字特意取自已故影帝「喬宏」之名，期望女兒將來與喬宏一樣強壯：「如果上天容許，我希望到90歲都依然身體健康，繼續工作。身為男人就要負責養家。」被問到將來會否照顧父母時，小黃妃毫不猶豫地回答：「一定會！我想養，我鍾意養！」更向父母承諾日後要帶一家人坐飛機，駕車帶他們到處旅行，黃澤鋒夫婦聽得甜入心。
本文作轉載及備份之用 來源 source: http://hk.on.cc
|
鍾意就快D Share啦！
|
|
|