王丹妮接受訪問時，感謝已故歌影天后梅艷芳的傳奇故事電影，讓自己踏入電影圈：「我覺得好感恩，始終呢部係我入行嘅電影，因為梅姐、《梅艷芳》令大家知道有一個新演員叫做王丹妮！」她自言因為角色及電影廣受歡迎，讓觀眾市民認識自己，每次在街頭無論稱呼她為梅艷芳、王丹妮均感到非常欣喜與感觸：「梅姐畀咗我好大嘅勇氣，去迎接轉型帶來嘅種種挑戰！」
王丹妮與廖子妤先後於《梅艷芳》、《焚城》及《毒舌大狀》合作，對於下一次同框機會卻保持神秘，廖子妤表示：「大家可以期待一下！」王丹妮亦曖昧地表示：「唔知呢、唔知呢！」廖子妤則笑言當日吳煒倫、黃子華與眾多女演員僅為飯聚，請大家繼續期待：「題材劇情都未講得，但係絕對好睇㗎！」至於甚麼題材需要出動眾多女演員，王丹妮則笑言：「好多可能性㗎喎！」
雖然廖子妤未能透露更多新作細節，但參與《試當真》最後影片「墨魚遊戲」則已公開發布，首次參戰真人騷遊戲節目，更將會拍賣參與拍攝時穿着的「原味外套」，廖子妤笑指：「我驚嗰件外套得我自己bid返！我拍之前好驚會第一關就死，大家可以睇下係唔係！」王丹妮則表示會出錢出力支持好姊妹：「放心嗰件外套我會加入競投同大家爭㗎喇！希望我爭得贏」廖子妤則表示作為平台告別作，陣容非常難得：「之前都冇機會參與『試玩毛』，今次可以100人一齊玩遊戲真係好開心，喺香港YouTube界都係一件盛事！」
據指古天樂亦會參與「墨魚遊戲」拍攝，廖子妤甫一聽到老闆名字便封口：「我唔知呀……我唔知呀……100個人入面又冇見到佢喎！」王丹妮隨即扯開話題：「咁妳會唔會同小野（男友盧鎮業）互相廝殺㗎？」廖子妤便尖叫：「啊！我唔知呀！大家要密切期待『墨魚遊戲』喇！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|