愛玩真人騷
俞可程在接受《香港01》訪問時，透露最初是公司問她沒有興趣參加，「我諗咗一陣，其實都有，不過我又好驚。如果佢唔問我，我應該就唔會主動去報名，因為我好驚公開地好似要談情說愛咁樣，同埋我比較內斂。」
最近頻頻在真人騷露面，俞可程表示真人騷好玩之處，在於有很多未知的事情會發生：「所以我就會抱住好期待、好刺激嘅心情去參與。」被問到擔不擔心在鏡頭前流露真性情會嚇到「求愛男士」？她自言入行以來一直都在做自己，「如果嚇親佢、佢唔鍾意嘅話，咁就冇辦法啦，應該有鍾意我嘅位嘅。」
揭前度無縫接軌
談到過往愛情經歷，俞可程坦言也曾有過慘痛的回憶，她感嘆以前時對愛情想法太天真，甚至帶點「童話色彩」，只要喜歡就什麼都不是問題。然而，現實卻給了她重重的一擊：「我發現呢個世界係真係好多誘惑。有一任男友令我學識咗愛情唔係咁簡單，唔係話鍾意就可以無視所有問題。」她特別提到，當一個人面對誘惑時的反應，是她現在最看重的特質。
問到該位前度是否涉及出軌或背叛時，俞可程坦言：「其實我唔知，我冇證據，但我感覺係（出軌）囉。同埋好快就見到佢IG有上載同另一個女仔（嘅相）。」她並感嘆現代愛情往往是「速食文化」，快來快去，而她當時是很想長遠發展，但男方未必這樣想，所以最後分手。
擇偶條件大公開：最憎大男人
單身年半的俞可程，透露上一任男友是位醫生，兩人因價值觀不同而分手。至於現時擇偶有何條件？俞可程表示：「我覺得首要係價值觀要一致，佢要支持我嘅工作。」俞可程強調，她是以結婚為前提去談戀愛，所以希望對方是善良，不要有心理缺陷。「因為我諗得好長遠，佢將來可能要做我小朋友嘅爸爸，佢要教育下一代，一定要有啱嘅價值觀。」
至於性格方面，她笑言最討厭「大男人」：「我最憎男仔驕傲、大男人。不過大男人又唔係一個問題，如果你有實力、擔當得起，大男人都無妨；但我最怕嗰啲明明係小男人，又要扮大男人嘅人。」此外，她亦能接受年齡差距，曾與比自己大十歲的男士交往，不過的確有些微代溝，所以希望未來的另一半與自己的年齡差距在十年內。
另外，問到節目組有否要求「女神」交出社交平台帳號密碼，方便管理以防洩露節目內容？俞可程表示未去到要交出密碼，但公司會提醒哪些內容要保密，她們也會聽話。
本文作轉載及備份之用 來源 source: http://www.hk01.com
|
鍾意就快D Share啦！
|
|
|