滕麗名今日出席《愛·回家之開心速遞》愚人節活動，與劇中一眾演員一起玩遊戲。問到滕麗名可曾在愚人節整蠱人或被整蠱？她說：「我試過收到個4月1日嘅通告，返 ...
滕麗名今日出席《愛·回家之開心速遞》愚人節活動，與劇中一眾演員一起玩遊戲。問到滕麗名可曾在愚人節整蠱人或被整蠱？她說：「我試過收到個4月1日嘅通告，返到公司先知道係唔使開工，我嗰時無意識到嗰日係4月1日愚人節。（有無嬲？）無嘅，咁愚人節有個藉口玩下。我自己就試過有次將同事拍古裝劇嗰對古裝鞋掉咗去垃圾桶，到佢發現想搵返時，已經畀收垃圾嘅姐姐拎走咗。我細個啲嘅時候都好惡作劇，試過打嗰啲173色情電話，打通咗之後遞畀同事聽。我通常係搵啲兇神惡殺，例如搵啲武術指導，都試過搵高層，但係無畀人鬧。」
滕麗名出席《愛·回家之開心速遞》活動。（陳順禎攝）
![]()
獲提名金像獎視為成就解鎖
另外，提到她憑電影《尋秦記》獲提名今屆金像獎最佳女配角，是她入行多年以來首個電影獎項提名，對此，滕麗名說：「當然係好驚喜，多謝古老闆開拍呢套戲搵我去演返呢個角色，同埋都因為Tvb之前套劇累積咗嘅人氣同口碑，係天時地利人和嘅配合。（有無信心獲獎？）今次有提名已經係成就解鎖咗，啲對手嘅實力都好強，我會喺欣賞其他對手嘅演出。（獲提名老公有無同你慶祝？）老公有慶祝呀，佢去咗日本玩，留返我一個喺香港，佢已經慶祝緊。」
![]()
