埃及球員對球證判決非常不滿。(Getty Images)
阿根廷喺世盃16強戲劇性絕殺埃及，美斯再次交出神級表演，不過球證嘅判決亦引起極大爭議。埃及將帥完場後極度憤怒，薛高炮轟球證係「黑哨」操控賽果，領隊哈辛亦指控球證有商業任務，誓要「保送」美斯再拎冠軍！
埃及今場表現唔差過阿根廷，不過球證拿迪斯亞嘅執法就受到批評，其中2個爭議判決都喺下半場出現。先有埃及精彩反擊入波，但VAR介入指阿根廷球員被侵犯在先而作廢。補時阿根廷攻入絕殺，但反擊起點就係埃及前鋒穆罕默德沙拿喺阿根廷禁區疑被踢跌，今次VAR就冇叫球證睇重播，直接判入球有效。
對於球證執法兩種標準，埃及職球員激烈投訴，最後階段連拎5張黃牌兼有職員被逐，攻入1球嘅穆斯塔法薛高賽後怒轟：「球證好唔公平，佢嘅偏袒顯而易見，由一開始就逼害我哋，唔想埃及贏波。呢場比賽受到操控......恭喜阿根廷似乎又會贏冠軍。」
領隊哈辛言辭同樣激烈：「埃及踢得好過阿根廷，但結果受到場內因素同場外因素影響，或者佢哋(賽會)唔想阿根廷出局，又或者好想美斯繼續參賽。足球有好多場外操作源自利益，今場發生嘅事好唔公平，點解會咁？我唔想用美麗言辭去包裝，埃及確係承受不公平對待。」據報埃及足總賽後已經正式入信國際足協，要求徹查球證拿迪斯亞今場執法。
免費玩game、1日狂爆5張卡！一鍵share畀朋友一齊玩：
本文作轉載及備份之用 來源 source: http://hk.on.cc
|
鍾意就快D Share啦！
|
|
|