網頁

▼
掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2026年11月20日 星期五

台慶2026:台慶︱黃劍文為隻雞髀失10萬巨獎 事後吾出新道理 #台慶 #黃劍文

無綫年度盛事《萬千星輝賀台慶》昨晚完滿結束,於抽獎環節中,原先由錢嘉樂抽出、贏得獎品連免找數簽帳額總值超過10萬元的黃劍文,因未能在限時現身,結果再抽 ...






無綫年度盛事《萬千星輝賀台慶》昨晚完滿結束,於抽獎環節中,原先由錢嘉樂抽出、贏得獎品連免找數簽帳額總值超過10萬元的黃劍文,因未能在限時現身,結果再抽之下由曹永廉後補抽中。


黃劍文事後現身受訪,他苦笑表示當時正於便利店內醫肚,他説:「本身好忙影緊最佳甫士相,影完因為今朝食得個包,肚餓就走咗去便利店食雞髀,其實食完㗎啦,點知收到好多短訊叫我返嚟。《中年好聲音》梁浩然打畀我,話我中咗獎叫我快啲返嚟,我即刻跑諗住趕得切,點知到上台前一刻已經出現咗阿前輩(曹永廉)上去攞10萬蚊,喊都喊唔番,就係因為一隻雞髀我錯過咗10萬蚊!」問到以後會否不再吃雞髀?他笑指不會,但呼籲一眾雞髀廣告客戶可找他拍廣告讓他補回損失,又笑言有很多人戥他不值讓他感到很窩心:「依家大家都叫我『雞髀文』,希望大家食雞髀都記得我。」


提到抽中台慶大獎的《中年好聲音》顏志恒表示會請他吃不同口味雞髀,黃劍文説:「我叫佢請我食牛扒,但佢話要請我食20隻唔同口味嘅雞髀,都好吖,好過冇啦,哈哈!」他表示冇想過會中獎,笑言下次抽獎環節打死也不會走開,搞笑指會寫首「雞髀歌」來紀念。談到工作,他表示剛加入資訊節目《流行都市》當主持,感謝一眾前輩照顧,讓他獲益良多,又表示正在寫跳唱歌,配合稍後舉行音樂劇:「希望大家買飛嚟支持,我錯失咗隻雞髀,惟有喺其他地方努力賺返,哈哈!」問他可會想補中的曹永廉將獎品跟他對分?他笑言想找對方合照留個紀念。


黃劍文為雞髀失獎,為「紀念」無奈之舉,佢都寫下真誠「雞髀文」自勉,將最佳甫士片段公開,等大家一齊為佢嘅「10萬巨獎」而「悼念」,更吾出參加台慶之前要食飽先好去嘅道理,自嘲之餘,更獲大批網友留言安慰。


黃劍文發文如下:
萬千星輝賀台慶
我相信今年嘅台慶係我最難忘嘅一年
從來抽獎都冇乜點樣抽中我
今年抽中咗,卻因為一隻雞髀 🍗
錯失10萬
獎品被封「雞髀文」
TVB 59 happy birthday 🥳
恭喜Benson(顏志恒)
下次記得請我食雞髀呀 🤣
因為今日忙住排隊影相 📸 又為咗最佳甫士 排隊
之後因為肚餓 就去咗便利店,買咗隻雞髀食
食完之後 先知錯失咗 🫣
我收到電話已經狂跑返去一廠 去到已經頒緊獎 🫣
呢個故事話畀我哋聽 參加台慶 之前 食飽先好去
放心啦 我仍然都係咁鍾意食雞髀 🍗 😆
要買雞髀廣告炸雞廣告都可以搵我㗎🤭
今晚應該唔會瞓唔着啩 🤣



本文作轉載及備份之用 來源 source: http://hk.on.cc
鍾意就快D Share啦!